Марсаход Curiosity знайшоў арганіку на Чырвонай планеце?
Гэта папярэднія дадзеныя, якія яшчэ будуць правярацца, інфармуе NASA.
Навукоўцы кажуць, што арганічныя малекулы з'яўляюцца неабходнай умовай для ўзнікнення жыцця. Таму, калі арганіка сапраўды знойдзеная ў марсіянскім грунце — гэтае адкрыццё будзе мець вялізнае значэнне для навукі і далейшых даследаванняў Чырвонай планеты.
РІА "Новости" адзначае, што дакладныя вынікі даследавання будуць абвешчаныя ў пачатку снежня ў Сан-Францыска.
Нагадаем, Curiosity знаходзіцца на Марсе ад пачатку жніўня. Ён займаецца вывучэннем атмасферы і клімата планеты, шукае ваду і яе сляды, а таксама арганічныя рэчывы.
Фота — REUTERS/ NASA
