Каля "Расатама" прайшоў пікет супраць будаўніцтва Беларускай АЭС
Пра гэта Еўрарадыё распавёў адзін з удзельнікаў пікету Уладзімір Валодзін.
Па яго словах, у акцыі ўдзельнічаюць каля 20 чалавек, прычым палова з іх прыехалі з Беларусі. Прынялі ўдзел у акцыі і беларусы, якія жывуць у Маскве. Ініцыятарам пікету выступіла Беларуская антыатамная кампанія, да яе далучыліся і расійскія арганізацыі.
Пікетоўцы пратэстуюць увогуле супраць будаўніцтва Беларускай АЭС і, у прыватнасці, супраць яе будаўніцтва "Расатамам". Яны перадалі ў расійскую кампанію зварот з патрабаваннем адмяніць планы па будаўніцтве АЭС і не ўдзельнічаць у гэтым праекце.
