На Беларускай АЭС зноў адключылі першы энергаблок
Беларуская АЭС / Euroradio
На Беларускай АЭС чарговы раз адключылі ад сеткі першы энергаблок. На АЭС кажуць, што зрабілі гэта для забеспячэння надзейнай эксплуатацыі.
"27 красавіка энергаблок №1 адключаны ад сеткі для правядзення прафілактычных работ на абсталяванні. Радыяцыйны фон у раёне станцыі без зменаў. Работы выконваюцца для забеспячэння надзейнай эксплуатацыі энергаблока", — гаворыцца ў паведамленні БелАЭС.
15 студзеня першы энергаблок выводзілі на планавы рамонт. Другі энергаблок адключалі на рамонт у лістападзе і ўключылі ў сетку за пяць дзён да таго. Рамонт другога энергаблоку пачаўся пасля таго, як на ім спрацавала сігналізацыя аб адхіленні ў працы сістэмы ахаладжэння генератара.
