Рэкордныя маразы ператварылі Ніягарскі вадаспад у лёд (фота)
Але мясціна па-ранейшаму прыцягвае вялікую колькасць турыстаў.
Ніягарскі вадаспад на мяжы ЗША і Канады праз рэкордныя маразы практычна ператварыўся ў лёд. Гэта трэці выпадак у гісторыі, калі знакаміты вадаспад замярзае зімой — раней такое было ў 1848 і 1912 гадах, паведамляюць замежныя СМІ.
Аднак нягледзячы на моцныя маразы, вадаспад застаецца турыстычным месцам — госці з усяго свету фатаграфуюць ледзяныя глыбы. А ўвечары скутую ільдом Ніягару ўпрыгожвае каляровая ілюмінацыя.
Фота: REUTERS
