Міжгародніх маршрутчыкаў могуць да канца года вызваліць ад конкурсу
Адпаведны праект указа распрацавала Міністэрства транспарту і камунікацый.
Рэгулярным аўтаперавозчыкам у Беларусі да канца года прапануецца дазволіць працаваць без конкурсаў. Адпаведны праект указа "Аб некаторых пытаннях ажыццяўлення міжгародніх аўтамабільных перавозак пасажыраў" распрацавала Міністэрства транспарту і камунікацый для грамадскага абмеркавання, інфармуе БЕЛТА.
Прапануецца даць права перавозчыкам — юрыдычным асобам і індывідуальным прадпрымальнікам займацца міжгароднымі перавозкамі на падставе дамовы аб арганізацыі аўтамабільных перавозак пасажыраў у рэгулярных зносінах.
Указ павінен дзейнічаць у адносінах тых перавозчыкаў, якія легальна возяць пасажыраў з 23 студзеня 2018 года. Ён будзе дзейнічаць да 31 снежня 2018 года.