Расіяне цалкам зруйнавалі Зміёўскую ЦЭС на Харкаўшчыне
![Прадпрыемства болей не працуе](/sites/default/files/styles/gallery_main/public/2024-03/photo_2024-03-30_16-23-10.jpg.webp?itok=s5NAo_jn)
Прадпрыемства болей не працуе / vesti.az
Падчас найбольш маштабнага ўдару Расіі па ўкраінскай энэргасістэме цалкам зруйнаваная Зміёўская ЦЭС на Харкаўшчыне. Яна лічылася адной з найбуйнейшых у краіне — цяпер на яе месцы толькі руіны.
На станцыі знішчаныя ўсе блокі, пашкоджана дапаможнае абсталяванне. Пакуль разбіраюць завалы і ацэньваюць шкоду.
“Людзі шэсць месяцаў патрацілі на рамонт і зрабілі немагчымае. І, вядома, калі мы пабачылі, што ўсё марна, то магло з'явіцца ўражанне, што рукі апускаюцца. Але толькі не ў гэтым калектыве”, — гаворыць міністр энэргетыкі Украіны Герман Галушчанка.
Падчас атакі 22 сакавіка сур'ёзна пашкодзілі і Дняпроўскую ГЭС у Запарожжы. Па звестках украінскага боку, Расія ўсё часцей атакуе дамбы украінскіх гідраэлектрастанцый.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.