Расіяне 7 жніўня абстралялі Пакроўск на Данеччыне, ёсць загінулыя

Увечары 7 жніўня расіяне абстралялі горад Пакроўск у Данецкай вобласці Украіны.

Былі нанесеныя два ракетныя ўдары па цэнтры горада, перадае hromadske.ua. У выніку атакі былі пашкоджаныя шматпавярховікі і прыватныя жылыя дамы, гатэль, крамы і адміністрацыйныя будынкі.

На раніцу 8 жніўня вядома пра сем загінулых і 67 пацярпелых. Сярод параненых 29 супрацоўнікаў паліцыі, 7 ратавальнікаў і двое дзяцей. Загінулі пяць мірных жыхароў, ратавальнік і вайсковец.