Вы тут

Раман Бяссмертны вяртаецца ў мінскія перамовы па Данбасе

Раман Бяссмертны / "РБК-Украина"

Прэзідэнт Украіны Уладзімір Зяленскі ўпаўнаважыў палітыка Рамана Бяссмертнага прадстаўляць Украіну ў працоўнай падгрупе па палітычных пытаннях Трохбаковай кантактнай групы (ТКГ) у Мінску па ўрэгуляванні сітуацыі на Данбасе замест Аляксандра Моціка. Пра гэта гаворыцца ва Указе Зяленскі ад 9 ліпеня, паведамляе hromadske.ua.

Раней Зяленскі сваім указам ад 19 чэрвеня перапрызначыў трох упаўнаважаных прадстаўнікоў Украіны ў рабочых падгрупах ТКГ па мірным урэгуляванні сітуацыі ў Данбасе. У тым ліку, Аляксандр Моцік быў упаўнаважаны прадстаўляць Украіну ў працоўнай падгрупе па палітычных пытаннях.

З лютага 2010 года па чэрвень 2011 года Бяссмертны займаў пасаду пасла Украіны ў Беларусі. У 2015 годзе дыпламат быў прызначаны прадстаўніком Украіны ў палітычнай падгрупе ТКГ. У красавіку 2016 года ён выйшаў з Мінскага працэсу.