Пуцін абмеркаваў з сілавікамі сітуацыю ў Беларусі
![Пуцін абмеркаваў з сілавікамі сітуацыю ў Беларусі](/sites/default/files/styles/gallery_main/public/2023-08/i9mbyastruraiyh8hsnfkaah5fuvyszs.jpg.webp?itok=g4airb6H)
21 жніўня Уладзімір Пуцін абмеркаваў з Саўбезам РФ сітуацыю ў Беларусі. Як паведамляе прэс-служба расійскага прэзідэнта, на нарадзе ён паведаміў "аб сэрыі тэлефонных міжнародных кантактаў, якія адбыліся на гэтым тыдні". З Пуціным размаўлялі пра Беларусь і канцлер Германіі Ангела Меркель, і прэзідэнт Францыі Эмануэль Макрон. Можна меркаваць, што яны не хочуць, каб Расія ўмешвалася ў беларускія справы.
Па выніках пасяджэння Саўбеза РФ заяўлена, што на ім была "акцэнтаваная непрымальнасьць якога заўгодна ўмяшання звонку ў справы Рэспублікі [Беларусь] і безальтэрнатыўнасць урэгулявання ўсіх ўнутрыбеларускіх праблемаў кіраўніцтвам гэтай краіны ў дыялогу з яе грамадзянамі".
Тым часам Аляксандр Лукашэнка больш не выказваецца пра "пагрозу з Усходу", цяпер ён гаворыць толькі пра "праблему з Захаду" — з боку ЕС і ЗША.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.