Прыбіральні на Мінскім моры ўсталявалі толькі 12 траўня
Шэсць блізкіх да Мінска вадаёмаў упарадкуюць да 15 траўня.
Да травеньскіх выходных зону адпачынку на Мінскім моры так і не падрыхтавалі цалкам. Як заўважыў карэспандэнт Еўрарадыё, 9 траўня ля вадаёма не было прыбіральняў. Пры гэтым людзі там ужо адпачывалі.
Мінскае мора выглядала так, як у канцы сакавіка, калі Еўрарадыё выбіралася праверыць падрыхтоўку да сезона.
Мінскае мора адразу пасля прыезду Лукашэнкі і праз 8 месяцаў (фота)
У “Мінскай лесапаркавай гаспадарцы” абяцаюць да гэтых выходных паставіць прыбіральні на ўсіх вадаёмах ля Мінска.
Супрацоўнік: “З сённяшняга дня ўжо там стаяць прыбіральні. А да 15 траўня мы паставім прыбіральні на ўсіх шасці вадаёмах”.
На 25 пляжах абяцаюць усталяваць паўсотні дадатковых мангалаў, а таксама прыбіральні і пераапраналкі.
