Праваабаронца Андрэй Бандарэнка ўжо 11 дзён за кратамі
З 1 красавіка былы палітвязень знаходзіўся на Акрэсціна, сёння яго перавялі ў следчы ізалятар на Валадарскага ў Мінску.
Як паведамляе Радыё Свабода, Андрэю Бандарэнку, нібыта, ужо выставілі абвінавачанне ў хуліганстве, праводзяцца следчыя дзеянні. Аднак падрабязнасці невядомыя, паколькі адвакатка дала падпіску аб неразгалошванні. Паплечнікі праваабаронцы мяркуюць, што магла адбыцца нейкая правакацыя.
Бандарэнка — кіраўнік арганізацыі абароны правоў вязняў "Платформа". Дзякуючы ёй сталі вядомыя шматлікія факты ціску, збіцця і катаванняў вязняў у беларускіх турмах.
Фота — svaboda.org
