Першым фіналістам ЧС па футболе стала зборная Аргенціны
Ліянэль Месі і Хуліан Альварэс / twitter.com/fifaworldcup
Першы паўфінальны матч чэмпіянату свету па футболе завяршыўся перамогай каманды Аргенціны. Яна абыграла зборную Харватыі з лікам 3:0. Першы мяч у вароты супернікаў на 34-й хвіліне з пенальці забіў Ліянэль Месі, другі — праз 5 хвілін Хуліан Альварэс. А затым Альварэс з падачы Месі адправіў у вароты супернікаў трэці мяч. Гэта здарылася ўжо на 69-й хвіліне.
Другі паўфіналіст чэмпіянату вызначыцца сёння, гуляюць Францыя і Марока.
Для Месі гэты фінал сусветнага чэмпіянату стане другім у кар'еры. У мінулы раз (у 2014 годзе) зборная Аргенціны саступіла ў фінальным матчы зборнай Германіі. Гульня скончылася з лікам 0:1 — прычым гэты адзіны гол немцы забілі ў дадатковы час.
Фінал гэтага чэмпіянату пройдзе ў Катары у нядзелю, 18 снежня.
Lionel Messi and Julian Alvarez strike again!
— FIFA World Cup (@FIFAWorldCup) December 13, 2022
The first Semi-final didn't disappoint!#FIFAWorldCup | #Qatar2022 pic.twitter.com/T6oNw2JoSs
