Пасля 75 сутак арышту на волю выйшла Вольга Брыцікава

Пасля 75 сутак арышту на волю выйшла Вольга Брыцікава

Пасля 75 сутак адміністрацыйнага арышту на волю выйшла Вольга Брыцікава. Старшыню незалежнага прафсаюза "Нафтан" судзілі пяць разоў запар, давалі па 15 сутак, і працягвалі яе знаходжанне за кратамі.

Брыцікаву затрымалі 27 лютага на ўчастку для галасавання на рэферэндуме, яе абвінавацілі ў фатаграфаванні бюлетэня. Жанчыну асудзілі на 15 сутак арышту. Аднак ужо праз некалькі дзён Вольгу Брыцікаву асудзілі паўторна, на гэты раз за надпісы на куртцы "Не вайне!". У трэці раз падставай для суда сталі паперкі з надпісамі "Не вайне!", якія былі на вокнах кватэры. Падставай для чацвёртага суда стаў яе пост "Не вайне!" ў Instagram. Наступны раз судзілі за "несанкцыянаванае пікетаванне".

Брыцікава працавала начальнікам аддзела рэалізацыі нафтапрадуктаў на "Нафтане". У жніўні 2020 года яна стала актыўнай удзельніцай пратэстаў на прадпрыемстве. Калі ў той час праходзіў сход працоўных з удзелам кіраўніка Камітэта дзяржаўнага кантроля Івана Церцеля (цяпер — старшыня КДБ), якраз Вольга Брыцікава агучыла патрабаванні да ўладаў. У канцы 2020-га яе звольнілі, а ў 2021 годзе яна стала кіраўніком незалежнага прафсаюза на "Нафтане".

Пасля 75 сутак арышту на волю выйшла Вольга Брыцікава
Вольга Брыцікава пасля 75 сутак за кратамі / Фота з сацсетак

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі