Палата прадстаўнікоў прыняла закон аб амністыі адразу ў двух чытаннях
Дэпутаты Палаты прадстаўнікоў / Еўрарадыё, архіўнае фота
10 лістапада дэпутаты адразу ў двух чытаннях прынялі закон "Аб амністыі ў сувязі з Днём народнага адзінства", паведмляе прэс-служба Палаты прадстаўнікоў .
Паводле папярэдніх звестак, на волю выйдуць 4545 асуджаных, у тым ліку з месцаў пазбаўлення волі — 1600 (з іх 10 непаўналетніх), з "хіміі" — 500, з крымінальна-выканаўчых інспекцый — 2 445 чалавек.
На 1 год тэрміны будуць скарочаныя 3950 асуджаным: 2500 з іх адбываюць пакаранне ў папраўчых установах, 350 — на "хіміі", 1100 стаяць на ўліку ў крымінальна-выканаўчых інспекцыях.
Як распавядала Еўрарадыё, большасць "палітычных" пад амністыю не трапяць, бо яны "здзейснілі злачынствы экстрэмісцкай накіраванасці".
