Пакупнік адмовіўся ад грузу судна Razoni, якое прыйшло з Украіны
Пакупнік адмовіўся ад украінскага збожжа, якое вёз сухагруз Razoni у ліванскі порт Трыпалі, перадае Бі-Бі-Сі. Прычынай адмовы ён назваў затрымку з дастаўкай грузу больш як на пяць месяцаў.
Цяпер карабель спыніўся каля ўзбярэжжа Паўднёвай Турцыі. Пастаўшчык грузу шукае новага пакупніка.
Як распавядала Еўрарадыё, Razoni — першы сухагруз з украінскім збожжам, які выйшаў з Адэсы 1 жніўня ў рамках пагаднення па разблакаванні чарнаморскіх партоў. Ён вязе 26 тысяч тон украінскай кукурузы. Караблі не маглі выйсці з партоў з 24 лютага, калі Расія напала на Украіну.
Пасля Razoni з чарнаморскіх партоў Украіны выйшлі яшчэ пяць судоў з сельгаспрадукцыяй. Напрыклад, сухагруз Polarnet ужо прыбыў у турэцкі порт Дэрынджэ і даставіў 12 тысяч тон кукурузы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.