Пад Жабінкай знайшлі сем тон нелегальнага спірту з Расіі
Такіх бутэлек у машыне было 1400 / скрыншот з відэа МУС
Аператыўнікі Гродзенскага УБЭЗ спынілі пад Жабінкай седлавы цягач з сямю тонамі кантрафактнага спірту. Машынай кіраваў 26-гадовы гамяльчук.
Паводле папярэдняй інфармацыі, спірт планавалася прадаваць беларусам. Кошт партыі ацэньваецца ў 105 тысяч рублёў.
Цяпер праводзіцца праверка, устанаўліваюцца іншыя асобы, якія маюць дачыненне да таго, што ў Беларусь нелегальна трапілі 1400 пяцілітровых бутэлек спірту.
