Па ўсходзе Беларусі на суботу абвешчаны аранжавы ўзровень небяспекі
![Дажджы і моцны вецер чакаюцца ў суботу па ўсходзе Беларусі / pexels.com](/sites/default/files/styles/gallery_main/public/2023-08/prahn-1108.jpg.webp?itok=9rCrXynx)
Дажджы і моцны вецер чакаюцца ў суботу па ўсходзе Беларусі / pexels.com
У суботу, 12 жніўня, уначы прагназуецца пераменная воблачнасць, а ўдзень будзе пераважна хмарнае надвор'е, паведамляе Белгідрамет.
Па ўсходняй палове краіны ўначы і ўдзень пройдуць дажджы, у многіх раёнах Магілёўскай і Гомельскай абласцей — моцныя дажджы. У асобных раёнах прагрымяць навальніцы. Вецер будзе паўночна-заходні парывісты, па ўсходняй палове краіны — моцны парывісты. Парывы ветру дасягнуць 15-20 метраў за секунду.
Уначы тэрмометры пакажуць 10-16 вышэй за нуль. Удзень будзе 18-24 цяпла, па захадзе Беларусі прагназуецца да +26.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.