Па поўдні Беларусі ў пятніцу будзе да +18

У пятніцу, 7 сакавіка, ўмовы надвор'я ў Беларусі будуць вызначаць пераважна вобласць павышанага атмасфернага ціску і цёплая паветраная маса.

Прагназуецца малавоблачнае надвор'е без ападкаў, паведамляе Белгідрамет. Вецер будзе заходні, уначы — парывісты, месцамі па паўночным усходзе — моцны парывісты, да 15-18 метраў за секунду. Удзень вецер чакаецца ад слабога да ўмеранага.

Тэрмометры ўначы пакажуць ад 1 градуса марозу да 5 градусаў цяпла. Удзень чакаецца 10-16 градусаў вышэй за нуль, па поўдні краіны паветра прагрэецца да +18.

У выходныя, 8-9 сакавіка, у Беларусі захаваецца ўплыў вобласці павышанага атмасфернага ціску і цёплых паветраных мас.