Новы землятрус адбыўся ў Японіі
Яго магнітуда склала 5,5 бала.
Землятрус адбыўся 14 снежня ў суботу ў прэфектуры Ціба, аднак падземныя штуршкі адчуваліся яшчэ ў 16 прэфектурах, у тым ліку ў Фукусіме, дзе знаходзіцца аварыйная АЭС. Звестак аб пацярпелых няма, пагрозу цунамі не абвяшчалі, перадае ВВС.
У 2011 годзе ў Японіі адбыўся разбуральны землятрус магнітудай 9 балаў, які прывёў да найгоршага за апошнія 25 гадоў крызісу з уцечкай радыяцыі. 20 тысяч чалавек загінулі або былі абвешчаныя зніклымі без вестак.