Новы віцэ-прэм'ер Дзмітрый Крутой працягне курыраваць інтэграцыю з Расіяй
Дзмітрый Крутой / economy.gov.by
Нягледзячы на змену пасады з міністра эканомікі на першага віцэ-прэм'ера, Дзмітрый Крутой працягне ўзначальваць беларускую рабочую групу па інтэграцыі з Расіяй. 29 лістапада 38-гадовы міністр эканомікі Дзмітрый Крутой быў прызначаны Аляксандрам Лукашэнкам першым намеснікам прэм'ер-міністра.
Аднак, нягледзячы на змену пасады, пытанні інтэграцыі і ўзгаднення "дарожных карт" з Расіяй па-ранейшаму застануцца за ужо былым міністрам эканомікі:
"Дарожныя карты [з Расіяй] пакуль застануцца за ім, будзем тут дапамагаць, наколькі трэба. Нам не трэба зараз мяняць кіраўніка нашай групы, тым больш няшмат засталося: літаральна некалькі дзён да заканчэння гэтай працы ", — заявіў Лукашэнка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
