Новы гістарычны музей пабудуюць на месцы парку "Дрымлэнд"
![Перад музеем плануюць усталяваць статую пад назвай "Беларусь адзіная"](/sites/default/files/styles/gallery_main/public/2024-09/museum3.png.webp?itok=S32ETWn0)
Перад музеем плануюць усталяваць статую пад назвай "Беларусь адзіная" / БЕЛТА
Новы гістарычны музей Беларусі пабудуюць на тэрыторыі, дзе раней размяшчаўся парк "Дрымлэнд", піша БЕЛТА. Якім быць гэтаму музею сёння абмяркоўваюць у Аляксандра Лукашэнкі. Яму прынеслі праект будынка і канцэпцыю экспазіцыі. Паведамляецца, што будынак будзе паўтараць контуры карты Беларусі. А перад музеем уладкуюць плошчу са скульптурай, якую назвалі "Беларусь адзіная".
Што тычыцца экспазіцыі, то Лукашэнка запатрабаваў, каб у ёй не было "ніякага нацыяналістычнага або ўра-патрыятычнага перахлёсту". Паводле ягоных слоў, павінен быць "аб'ектыўны погляд на нашу гісторыю, каб не толькі беларусы, але і іншыя народы маглі пагадзіцца з яе трактоўкай або, ва ўсякім выпадку, не маглі адкінуць або адмаўляць яе". Ён таксама запатрабаваў, каб у экспазіцыі не было "ніякай палітызацыі, ніякага "Ура!" у дачыненні да там Лукашэнкі, Пятровых, Сідаравых, якія нібыта вяршылі гісторыю, а народа пры гэтым не відаць".
Нагадаем, пасля выбараў 2020 года і задушэння пратэстаў у Беларусі пачаліся масавыя ганенні на гісторыкаў і нават экскурсаводаў, ідзе актыўны перагляд беларускай гісторыі. Чыноўнікі даюць справаздачу аб выпуску сумесных падручнікаў па гісторыі з Расіяй.
![Новый исторический музей построят на месте парка "Дримлэнд"](/sites/default/files/styles/default_image_paragraph/public/paragraphs/image/museum_2.png.webp?itok=AzqwcSZV)
![Новый исторический музей построят на месте парка "Дримлэнд"](/sites/default/files/styles/default_image_paragraph/public/paragraphs/image/museum.png.webp?itok=X-Y79J2C)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.