Нехта спрабуе настроіць літоўцаў супраць беларусаў — чарговая правакацыя

Нехта спрабуе настроіць літоўцаў супраць беларусаў. Чарговая правакацыя адбылася ў Вільні — нейкі чалавек напісаў чырвонай фарбай “Вільня наша” на помніку каралю Міндоўгу.

Сёння ў Літве – вялікае нацыянальная свята, Дзень дзяржавы. Штогод яно адзначаецца ў гонар каранацыі Міндоўга, якая адбылася 6 ліпеня 1253-га ў Навагрудку. Таму дата для такога вандалізму абраная не выпадкова.

Цяпер у справе разбіраецца паліцыя. А пра тое, што вандалізм — недарэчная правакацыя, пішуць і самі літоўцы ў каментарах пад навіной на мясцовым рэсурсе.