Вечнаактуальныя народныя прыпеўкі пра Лукашэнку

Чытачы прынялі ў ім актыўны ўдзел і не абмінулі ў сваёй творчасці і дэпутата Аляксандра Лукашэнку, які ўзначальваў антыкарупцыйную камісію Вярхоўнага Савета, згадвае “Салідарнасць”. Малады палітык вылучаўся тады неабгрунтаванымі абвінавачваннямі. Вось адна з чытацкіх прыпевак на гэтую тэму:

Палюбіла Лукашэнку,

Засварыла мяне маць.

Выпіў чарку “Белавежскай”

Усю радню стаў “кланам” зваць.

Яшчэ адну надзвычай трапную прыпеўку нават перадрукавала газета “Літаратура і мастацтва”:

Лукашэнкі голас зычны,

Нам як снег зімой прывычны.

Колькі можна, тваю …,

Усё не тых разаблачаць.

Нават у 1995 годзе, пасля прыходу Лукашэнкі да ўлады газета “Мінская праўда” апублікавала такі твор:

Абяцаў нам Лукашэнка:

“Цэнам быць ніжэй каленка”.

Не прайшло і дзвюх начэй –

Падняліся да плячэй.