Надзея Астапчук прадала залаты медаль за 11,1 тысячы долараў
![Надзея Астапчук прадала залаты медаль за 11,1 тысячы долараў](/sites/default/files/styles/gallery_main/public/2023-08/z2005.png.webp?itok=MLkBxVMR)
Вядомая ў мінулым беларуская штурхальніца ядра Надзея Астапчук прадала за 11,1 тысячы долараў на аукцыёне залаты медаль чэмпіянату Еўропы 2005 года ў Мадрыдзе. Гэтыя грошы яна збіраецца ахвяраваць на падтрымку беларускіх спартсменаў, якія пацярпелі за выказванне сваёй грамадзянскай пазіцыі — пералічыць іх у Беларускі фонд спартыўнай салідарнасці. Туды ж раней пералічыла грошы, атрыманыя за прададзены бронзавы медаль Еўра-2007, баскетбалістка Кацярына Сныціна.
Астапчук пасля прэзідэнцкіх выбараў 2020-га неаднаразова публічна выказвала сваю пазіцыю і патрабавала новых выбараў, жорстка крытыкавала ўладу. Яна не можа пагадзіцца, што ў нашай краіне тысячы беларусаў, а сярод іх і спартсмены, сутыкнуліся з рэпрэсіямі.
![Надзея Астапчук прадала залаты медаль за 11,1 тысячы долараў](/sites/default/files/paragraphs/image/15776625240297085204021355394574309050816885o_1.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.