Надвор'е на панядзелак: магчымыя моцныя залевы з градам
20 траўня на большай частцы тэрыторыі краіны пройдуць кароткачасовыя дажджы і прагрымяць навальніцы.
Удзень у часе навальніцаў у асобных раёнах магчымае выпадзенне граду. Уначы і раніцай месцамі слабы туман.
Вецер паўднёвы ўмеркаваны, пры навальніцах парывісты, удзень у асобных раёнах шквалісты да 15-20 метраў за секунду.
Тэмпература паветра ўначы складзе 13-19 градусаў цяпла, удзень — ад 23 да 29 вышэй за нуль, перадае БЕЛТА са спасылкай на Белгідрамет.
