На выхадных у Беларусі будзе да +28

У суботу, 24 жніўня, у Беларусі чакаецца малавоблачнае надвор'е, інфармуе Белгідрамет. 

Ападкаў не прагназуецца. Уначы і зранку ў асобных раёнах будзе слабы туман. Вецер няўстойлівы — уначы слабы, днём умераны. 

Уначы будзе ад 8 да 13 вышэй за нуль, месцамі +5...+7. Удзень чакаецца 21-27 цяпла.

25 жніўня будзе пераважна без ападкаў. Уначы і зранку месцамі прагназуецца слабы туман. Вецер уначы слабы, удзень паўночны, паўночна-ўсходні ўмераны. 

Ноччу тэмпература паветра будзе 8-14 са знакам "плюс", удзень чакаецца 22-28 цяпла.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.