На волю выйшаў палітвязень, асуджаны за надпіс "Стоп Лука"
![На волю выйшаў палітвязень, асуджаны за надпіс "Стоп Лука"](/sites/default/files/styles/gallery_main/public/2023-08/stopluka-1705.jpg.webp?itok=Zka8ypDX)
На волю выйшаў брэсцкі палітвязень Алег Якунін, паведамляюць праваабаронцы.
Яго затрымалі 17 лютага 2022 года. Як сцвярджала на судзе абвінавачанне, 9 лютага Якунін напісаў два выразы: "Стоп Лукашэнка" і "Стоп Лука". Камунальнікі выставілі Якуніну рахункі за гэтыя надпісы — 25,41 рубля і 54,93 рубля адпаведна за пашкоджанне маёмасці.
13 красавіка суд Ленінскага раёна Брэста прысудзіў яму тры месяцы арышту.
Якунін адбываў тэрмін у брэсцкім СІЗА №7, а сёння выйшаў на волю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.