Вы тут

На Віцебшчыне пасля паездкі ў Італію шпіталізавалі вайскоўца

Эпоха каранавіруса / Ілюстрацыйнае фота Reuters

На Віцебшчыне пасля паездкі ў Італію шпіталізавалі вайскоўца. У вайсковай частцы, у якой ён служыць, правялі супрацьэпідэмічныя мерапрыемствы, паведамляе ў Telegram прэс-служба Міністэрства аховы здароўя.

Населены пункт, у якім знаходзіцца вайсковец, не называецца. Адзначаецца, што яго шпіталізавалі для дадатковага абследавання. Сцвярджаецца, што адчувае ён сябе нармальна.

Як вядома, у пятніцу ў Беларусі аб'явілі пра шэсць новых пацверджаных выпадкаў заражэння каранавірусам. Іх агульная колькасць дасягнула 27. У бальніцах знаходзяцца 24 чалавекі, траіх выпісалі.

"Мы нічога не хаваем, каб не было гэтай панікі", — заявіў 13 сакавіка Аляксандр Лукашэнка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.