На матч Беларусь – Украіна прададзена 8 тысяч квіткоў
Гульня пройдзе сёння на “Барысаў-Арэне”, пачатак у 21.45.
Агулам барысаўскі стадыён змяшчае каля 13 тысяч заўзятараў, у продаж звычайна трапляе 12,5 тысяч квіткоў.
Раней паведамлялася, што фанаты зборнай Украіны выкупілі ўсе прадастаўленыя ўкраінскай федэрацыі квіткі. Аднак, вечарам 8 кастрычніка стала вядома, што матч можа прайсці без шматлікіх украінскіх заўзятараў, якім супрацоўнікі Дзяржпагранкамітэта Беларусі зачынілі ўезд у нашу краіну, паведамляе tribuna.com.
У сацсетках таксама з’вілася інфармацыя аб затрыманнях сярод актыўных фанатаў беларускай зборнай.
