На Гаваях прынялі пастанову аб штрафах для “смартфонных зомбі”

На Гаваях прынялі пастанову аб штрафах для “смартфонных зомбі”

На Гаваях увялі пастанову супраць “смартфонных зомбі”. Ганалулу стаў першым буйным амерыканскім горадам, які забараніў пешаходам глядзець у тэлефоны, пісаць паведамленні і выкарыстоўваць лічбавыя прыстасаванні пры пераходзе праз праезную частку.

Забарона набудзе моц у кастрычніку. Новы закон павінен знізіць колькасць траўмаў і смяротных выпадкаў пры “няўважлівай хадзьбе”.

Парушальнікаў будуць штрафаваць на суму ад 15 да 35 долараў. У выпадку паўторных парушэнняў штраф можа вырасці да 99 долараў. Выключэнне — званкі ў экстраныя службы, за іх караць не будуць.

Паводле звестак амерыканскіх уладаў, інцыдэнты з пешаходамі, якія адцягваюць увагу на мабільныя тэлефоны, прывялі болей як да 11 тысячаў траўмаў у 2000-2011 гадах. Статыстыка за апошнія гады не публікавалася, але, хутчэй за ўсё, яна яшчэ болей сумная, перадае ВВС.

Апошнія навіны

Галоўнае

Выбар рэдакцыі