На Чырвонай плошчы ў Маскве мужчына стрэліў сабе ў галаву
Гэта быў перформанс акцыяніста Паўла Крысевіча.
На Чырвонай плошчы ў Маскве акцыяніст Павел Крысевіч стрэліў сабе ў галаву з пісталета, паведамляе t.me/readovkanews.
Мужчына зрабіў два папераджальныя стрэлы ў паветра, а потым — сабе ў галаву. Паводле папярэдніх звестак, акцыяніст страляў халастым патронам з пісталета Макарава.
Яго адразу ж затрымалі міліцыянты.
Перад акцыяй Крысевіч распаўсюдзіў маніфест, дзе гаворыцца, што гэта "кантрольны стрэл дзяржаўнаму запалохванню, нябеснаму і жывёльнаму браджэнню ў галовах".
Заканчваецца маніфест фразай: "Перад Крамлёўскай заслонай адбудзецца стрэл".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.