МУС Беларусі абвясціла "экстрэмісцкім фарміраваннем" ініцыятыву dissidentby
![Dissidentby займаецца падтрымкай беларускіх палітвязняў](/sites/default/files/styles/gallery_main/public/2023-09/barbed-wire_7_09.jpg.webp?itok=_TaT7gVY)
Dissidentby займаецца падтрымкай беларускіх палітвязняў / pixabay.com
МУС Беларусі прызнала "экстрэмісцкім фарміраваннем" ініцыятыву dissidentby, якая займаецца падтрымкай палітвязняў. Валанцёры ініцыятывы збіраюць для зняволеных перадачы, афармляюць для іх падпіскі на газеты і часопісы, пералічваюць грошы ім на рахункі, а таксама дапамагаюць сем'ям палітвязняў і вызваленым.
Актывісты dissidentby таксама вялі інфармацыйную працу — расказвалі пра зняволеных у сацсетках і на разнастайных мерапрыемствах. Праз dissidentby можна таксама напісаць ліст беларускім палітвязням.
Але ў МУС палічылі, што ўся гэтая праца з'яўляецца "арганізацыяй дзейнасці па падрыхтоўцы да здзяйснення замахаў на суверэнітэт і грамадскую бяспеку Рэспублікі Беларусь, дыскрэдытацыяй і абразай службовых асоб". За гэта "групу грамадзян, аб'яднаных пад назвай dissidentby" і прызналі "экстрэмісцкім фарміраваннем", гаворыцца ў паведамленні сілавікоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.