Моцныя залевы затапілі Дубай

Наступствы дажджоў у Дубаі

Наступствы дажджоў у Дубаі / Khaleej Times

Моцныя залевы абрынуліся на Дубай увечары 15 красавіка і працягваюцца сёння.

Вада затапіла дарогі, транспарт ходзіць з перабоямі. Як паведамляюць СМІ, некаторыя трасы перакрылі. Затапіла адну са станцый метро і адзін з найбуйнейшых гандлёвых цэнтраў свету "Дубай мол".

У аэрапорце шэраг рэйсаў былі перанакіраваныя або адкладзеныя. Авіярэйсы з Дубая ў Мінск прыбываюць з затрымкамі ў некалькі гадзін. На відэа з месца падзеяў бачна, як вада залівае ўзлётна-пасадачную паласу. Увечары 16 красавіка аэрапорт Дубая абвясціў, што спыняе прыём рэйсаў да паляпшэння ўмоў надвор'я.

Між тым сіноптыкі прагназуюць нестабільную пагоду да абеду серады, 17 красавіка.

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі