МНС: У Мінску сёння былі падтопленыя 11 вуліц (відэа)
У выніку моцнага дажджу, які прайшоў у сталіцы ўдзень у панядзелак, вада заліла шэраг вуліц у цэнтры.
Як інфармуе БЕЛТА, падтапленні адбыліся на вуліцах Уральскай, Даўгабродскай, Карвата, Філімонава, Камсамольскай, Свярдлова, Няміга, Мініна, Талстога, Фабрыцыуса, Радзіяльнай. Часова спыняўся рух транспарту. На Нямізе вада патрапіла ў цокальны паверх гандлёвага цэнтра. Там жа выратавальнікі дапамаглі людзям, якія апынуліся на затопленым прыпынку грамадскага транспарту. А на вуліцы Перадавой з падтопленага легкавіка выратавалі 7-гадовае дзіця.
На аэрадроме "Ліпкі" ў сувязі з рэзкай зменай умоваў надвор'я зрабілі вымушаную пасадку два верталёты "Робінсан".
Град і вялікая залева ў Мінску (фота, відэа)
