Міжнародны футбольны летнік для дзяцей адкрыўся ў Мінску

Пра гэта БелаПАН паведамілі ў прэс-службе Беларускай федэрацыі футболу. Летнік праводзяць з 2 па 16 жніўня з рамках праграму транспамежнага супрацоўніцтва “Латвія — Літва — Беларусь” пад эгідай Еўрасаюза і БФФ. Летась аналагічнае мерапрыемства ладзілі ў Літве.

Летнік будзе праводзіцца ў два этапы: з 2 па 9 жніўня (аматарскі футбол) і з 9 па 16 жніўня (прафесійны футбол). Для кожнай групы ўдзельнікаў будуць арганізаваныя майстар-класы, экскурсіі і забаўляльныя праграмы. Трэніроўкі будуць праходзіць на футбольных палях БФФ.

Ініцыятар праекту генеральны дырэктар Федэрацыі футбола Літвы Эдвінас Эймантас заявіў, што такія летнікі не толькі падвышаюць фізічную актыўнасць дзяцей і развіваюць футбол, але і з’яўляюцца выдатным спосабам падтрымання адносінаў з суседняй краінай.

Кошт праекту — 213 851 еўра, яго фінансуе Еўрасаюз.

Апошнія навіны

Галоўнае

Выбар рэдакцыі