Мішусцін: Расія закрые мяжу з Беларуссю

Мішусцін: Расія закрые мяжу з Беларуссю

Улады Расіі прынялі рашэнне аб закрыцці мяжы з Беларуссю. Напярэдадні гэтая інфармацыя прагучала на адным з расійскіх тэлеканалаў. У панядзелак яе агучыў прэм'ер-міністр РФ Міхаіл Мішусцін.

"Мы таксама прынялі рашэнне аб закрыцці мяжы з Беларуссю для перамяшчэння людзей, зрабілі шэраг іншых папераджальных крокаў",цытуе словы Мішусціна ТАСС.

Атрымліваецца, што беларуска-расійская мяжа застаецца адкрытай для перамяшчэння тавараў.

Прэм'ер-міністр Расіі падкрэсліў, што і далей будуць прымацца захады для абароны краіны "ад гэтай новай пагрозы". Паводле яго слоў, стаіць задача недапушчэння масавага распаўсюду каранавіруса.

Расія стала апошняй суседкай Беларусі, якая закрыла сваю граніцу з нашай краінай. Раней гэта зрабілі Украіна, Польшча, Літва і Латвія. У Мінску заяўляюць, што зробяць усё, каб беларускія грамадзяне, якія хочуць вярнуцца на радзіму, вярнуліся.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі