Мінскія дынамаўцы падтрымалі лекараў
![Мінскія дынамаўцы падтрымалі лекараў](/sites/default/files/styles/gallery_main/public/2023-08/dd_1.jpg.webp?itok=2WMA4U0P)
Футбалісты мінскага "Дынама" ў матчы пятага тура чэмпіянату Беларусі па футболе ў вышэйшай лізе абыгралі гродзенскі "Нёман" — 2:0. Першы гол быў на рахунку славенскага легіянера Міхі Гарапеўшыка. На апошніх хвілінах госці ўсёй камандай пайшлі адыгрывацца і прапусцілі контратаку. Яўген Шыкаўка забіў другі гол у пустую браму.
Мінскія дынамаўцы падтрымалі беларускіх лекараў, якія змагаюцца з каранавірусам. Яны выйшлі на матч з "Нёманам" у майках, на якіх быў надпіс "#дзякуй дактарам".
На паядынку прысутнічалі 317 чалавек.
У іншым матчы туры "Энергетык-БДУ" прайграў "Гарадзеі" — 0:1. Іншыя матчы тура прызначаны на 17-18 красавіка.
![Мінскія дынамаўцы падтрымалі лекараў](/sites/default/files/paragraphs/image/5tur_1.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.