Мінскае "Дынама" перамагло па булітах "Северсталь" (відэа)
Чарговы матч чэмпіянату КХЛ прайшоў у чацвер на "Мінск-Арэне". На яго прыйшло больш за 8 тысяч заўзятараў.
Дынамаўцы выйгралі з лікам 2:1 (0:1, 0:0, 1:0, 0:0, 1:0). Лік на 17-й хвіліне адкрыў Монс. Гаспадары пляцоўкі ніяк не маглі адыграцца. Аднак на 43-й хвіліне Стась рэалізаваў большасць. Асноўны час матча скончыўся ўнічыю, як і авертайм. А буліты лепш выканалі дынамаўцы, рашаючая шайба на рахунку Калюжнага.
Мінчукі па-ранейшаму займаюць апошняе месца ў Заходняй канферэнцыі КХЛ.
25 студзеня "Дынама" прымае "Атлант" з Мыцішчаў, пачатак а 17-й гадзіне.
