Мінінфармацыі вынесла патрабаванне сайту за фэйкавую інфармацыю пра каранавірус

Мінінфармацыі вынесла патрабаванне сайту за фэйкавую інфармацыю пра каранавірус

Міністэрства інфармацыі вынесла патрабаванне ўладальніку інтэрнэт-рэсурсу vitebsk.biz. 

Як паведамляе прэс-служба ведамства, 13 сакавіка на гэтым сайце з'явілася публікацыя "У Мінску памёр генеральны дырэктар СТАА "Марка" Мікалай Васільевіч Мартынаў", якая змяшчала недакладную інфармацыю пра смерць кіраўніка фірмы.

У Мінінфармацыі падкрэсліваюць, што ў Беларусі пакуль што не зарэгістравана смерцяў ад захворванняў, выкліканых каранавірусам.

"Улічваючы, што ў цяперашні час грамадскую ўвагу прыцягнута да праблемы распаўсюду гэтага віруса, публікацыя падобнай інфармацыі спрыяе нагнятанню панікі ў грамадстве і ўводзіць у зман грамадзян наконт дзеянняў дзяржавы па барацьбе з дадзеным захворваннем, а таксама парушае канстытуцыйнае права грамадзян на атрыманне поўнай, дакладнай i своечасовай інфармацыі", — гаворыцца ў заяве ведамства.

Мінінфарм заклікае журналістаў і блогераў правяраць дакладнасць атрыманых звестак і не распаўсюджваць непраўдзівую інфармацыю.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі