Мінэнерга робіць сайт на WordPress?
![Мінэнерга робіць сайт на WordPress?](/sites/default/files/styles/gallery_main/public/2023-08/1057364630fotolia715.jpg.webp?itok=G1O69WrG)
Па адрасе minenergo.by з’явіўся сайт Міністэрства энергетыкі Беларусі. Як даведалася Еўрарадыё, ён пакуль у распрацоўцы. Але гэта сапраўды сайт міністэрства. І ён зроблены на бясплатнай платформе для блогаў WordPress. Стваральнікі сайта забыліся павыдаляць артыкулы і каментары "па змоўчанні". Так, у галоўных навінах вісіць стандартны артыкул "Прывітанне, сусвет!".
Раней на платформе дзяржзакупак прайшоў тэндар на мадэрнізацыю сайта Мінэнерга. Яго выйграла ТАА "З намі цяплей". Каштуе мадэрнізацыя па тэндары 11 мільёнаў рублёў. У прынцыпе, наладка WordPress якраз і можа каштаваць 11 мільёнаў. Іншыя ўдзельнікі тэндара прапаноўвалі мадэрнізацыю сайта за 175,5 і 77 мільёнаў рублёў.
Цікава, што сайт steveas.by кампаніі "З намі цяплей" таксама створаны на WordPress і выглядае сціпла ў плане дызайну. Але ў раздзеле "Пра нас" шматзначна гаворыцца, што "карпарацыя была створана ў 1998 годзе". Калі меркаваць па сайце, асноўная дзейнасць "карпарацыі" — гэта продаж і вытворчасць ПІ-трубаў і камплектуючых, здача ў арэнду складовых і вытворчых памяшканняў, продаж карэйскіх кампрэсараў, вытворчасць і продаж пенаполіўрэтанаў, мантаж ацяплення цепласетак, гарачага і халоднага водазабеспячэння, мадэльнае агенцтва, паказ моды, кінастудыя і стварэнне сайтаў.
Фота: Fotolia
![Мінэнерга робіць сайт на WordPress?](/sites/default/files/paragraphs/image/snimokekrana2015-09-21v17.34.08.png)
![Мінэнерга робіць сайт на WordPress?](/sites/default/files/paragraphs/image/snimokekrana2015-09-21v17.16.33.png)
![Мінэнерга робіць сайт на WordPress?](/sites/default/files/paragraphs/image/snimokekrana2015-09-21v17.34.29.png)