Мінабароны Беларусі завяршае праверку боегатоўнасці ў войску
Беларускія вайскоўцы / "Ваяр"
У беларускім войску заканчваецца праверка боегатоўнасці, паведамляе прэс-служба Мінабароны.
Каля 6,5 тысяч ваеннаабавязаных будуць звольненыя ў запас і вернуцца дадому да 30 красавіка. Тэхніка, прыцягнутая для праверкі, будзе вернутая ў арганізацыі.
Звальняць ваеннаабавязаных будуць паэтапна. Паведамляецца, што ў рамках праверкі яны былі прызваныя ў 19-ю асобную механізаваную брыгаду і 120-ю зенітную ракетную брыгаду.
Як распавядала Еўрарадыё, маштабная праверка боегатоўнасці ў войску пачалася 11 сакавіка. На зборы была прызваная вялікая колькасць ваеннаабавязаных, якія знаходзяцца ў запасе.
