Мінабароны Беларусі праводзіць збор афіцэраў-ідэолагаў
Збор афіцэраў-ідэолагаў / прэс-служба Мінабароны
23 лістапада пачаўся двухдзённы комплексны збор беларускіх афіцэраў-ідэолагаў, паведамляе прэс-служба Мінабароны.
Збор праходзіць у Печах пад Барысавам, на базе 72-га гвардзейскага Аб'яднанага вучэбнага цэнтра падрыхтоўкі прапаршчыкаў і малодшых спецыялістаў і 227-га агульнавайсковага палігона.
"Падчас збору з афіцэрамі будуць праведзеныя інструктарска-метадычныя і практычныя заняткі на актуальныя тэмы", — перадае прэс-служба.
Як паведамлялася раней, цяпер Мінабароны таксама выклікае ў ваенкаматы ваеннаабавязаных для зверкі даных. Гэтая зверка павінна закончыцца да Новага года.
