Марыю Калеснікаву на пастраенне выводзілі пад рукі — праваабаронцы
Марыя Калеснікава / Віктар Талочка, SNA/imago images
Палітзняволеную Марыю Калеснікаву па-ранейшаму "прэсуюць" у жаночай калоніі Гомеля. Як стала вядома праваабаронцам з MAYDAY TEAM, Марыя ў калоніі па-ранейшаму мае праблемы са здароўем, таму не працуе. Каля месяца таму на пастраенне яе нават выводзілі пад рукі.
У апошні час Калеснікаву трымаюць у адзіночнай камеры. Да гэтага яе рэгулярна адпраўлялі ў ШІЗА.
Пры гэтым Калеснікава не губляе прысутнасці духа і рэгулярна карыстаецца чырвонай памадай — гэтая фішка стала сімвалам яе нязломнасці і аптымізму, пішуць праваабаронцы.
Пад канец лістапада 2022-га Калеснікава трапіла ў рэанімацыю з вострым перытанітам. У атрад з медчасткі яе вярнулі толькі ў сярэдзіне студзеня 2023-га.
