Лукашэнка заявіў, што рыхтуе Беларусь да вайны
![Беларускія рэзервісты на зборах](/sites/default/files/styles/gallery_main/public/2024-04/555.jpg.webp?itok=bfMRxnGT)
Беларускія рэзервісты на зборах / t.me/modmilby/
2 красавіка падчас паездкі ў Гродна Аляксандр Лукашэнка заявіў, што рыхтуе Беларусь да вайны. Таму вядзецца "неабходная падрыхтоўка адпаведных падраздзяленняў", а ў войскі пастаўляюцца розныя віды ўзбраенняў і тэхнікі.
"Мы рыхтуемся да вайны, я пра гэта кажу адкрыта, — цытуе словы Лукашэнкі яго прэс-служба. — "Хочаш міру — рыхтуйся да вайны" — не я гэта прыдумаў".
І каб нікога не палохаць, ён дадаў, што Беларусь нікому не пагражае, чужой зямлі не хоча, і ваяваць не хоча. Пасля нядаўніх выказванняў Аляксандра Лукашэнкі ў Ашмянскім раёне Літва ўжо ўручала ноту пратэсту прадстаўніку РБ.
На месцы будаўніцтва гарадской бальніцы ў Гродне Лукашэнка заклаў капсулу часу для нашчадкаў. У ёй ён падпісаў тэкст, у якім сцвярджаецца, што беларусы жывуць "мірным і шчаслівым жыццём", а вакол на планеце ідзе вайна.
![Лукашэнка заявіў, што рыхтуе Беларусь да вайны](/sites/default/files/styles/default_image_paragraph/public/paragraphs/image/54387.1712047453.3aed94e57a%402x.jpg.webp?itok=Vz5-nFLK)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.