Пасля выказванняў Лукашэнкі Літва ўручыла ноту пратэсту прадстаўніку РБ
![Аляксандр Лукашэнка падчас паездкі ў Ашмянскі раён](/sites/default/files/styles/gallery_main/public/2024-03/54307.1711455167.c8ad15975c2x.jpg.webp?itok=-uFZ-h_B)
Аляксандр Лукашэнка падчас паездкі ў Ашмянскі раён / president.gov.by
Пасля нядаўніх выказванняў Аляксандра Лукашэнкі ў Ашмянскім раёне Літва ўручыла ноту пратэсту прадстаўніку РБ. Часовага паверанага ў справах Рэспублікі Беларусь Яраслава Хмыля ў пятніцу выклікалі ў літоўскі МЗС. Вільня выказвае рашучы пратэст з нагоды слоў Лукашэнкі пра існаванне вайсковай пагрозы Беларусі з боку Літвы, пра "неабароненасць" так званага Сувалкскага калідору і пра падрыхтоўку беларускага войска да магчымай вайны з краінамі Балтыі і Польшчай. І чакае афіцыйных тлумачэнняў.
МЗС Літвы назвала заявы Лукашэнкі "абсалютна непрымальнымі". У іх Вільня бачыць далейшую эскалацыю "агрэсіўнай замежнай палітыкі" рэжыму Аляксандра Лукашэнкі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.