Вы тут

Лукашэнка загадаў скараціць беларускія дыппрадстаўніцтвы ў Еўропе

Аляксандр Лукашэнка на нарадзе / БЕЛТА

Аляксандр Лукашэнка даручыў скараціць беларускія дыппрадстаўніцтвы ў Еўропе. Заява прагучала на нарадзе па прыярытэтах знешняй палітыкі на сучасным этапе.

""Слухайце, ну навошта нам там трымаць кучу дыпламатаў, калі мы наогул з імі не гандлюем, а палітычныя адносіны, дыпламатыя, ну яна не проста адсутнічае, яна на шкоду дзяржаве", — перадае БЕЛТА словы Лукашэнкі.

Ён прапанаваў здымаць для амбасадаў кватэры: "Калі там трэба адзін амбасадар і памочнік, ну пакіньце іх, здыміце ім двухпакаёвую кватэру і хай працуюць". А пашыраць амбасады Лукашэнка лічыць неабходным, калі пойдзе развіццё супрацоўніцтва.

Таксама ён заявіў, што дыпламаты абавязаныя падтрымліваць яго палітыку: "Або вы з народам, краінай, прэзідэнтам, тварам якога вы з'яўляецеся там і які вас туды накіроўвае. Або такія кадры краіне не патрэбныя".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.