Лукашэнка распавёў, чаму адправіў у адстаўку былога кіраўніка Следчага камітэта
![Лукашэнка распавёў, чаму адправіў у адстаўку былога кіраўніка Следчага камітэта](/sites/default/files/styles/gallery_main/public/2023-08/000019_215257_big.jpg.webp?itok=HN5vaRyY)
Аляксандр Лукашэнка распавёў, чаму адправіў у адстаўку былога кіраўніка Следчага камітэта Валянціна Шаева. Кіраўнік дзяржавы ў чацвер прысутнічаў на калегіі Следчага камітэта ды зрабіў шэраг заяваў. Ён адзначыў, што нядаўна давялося пайсці на прызначэнне новага старшыні Следчага камітэта — Івана Наскевіча.
"Чаму я пайшоў на адхіленне ад пасады былога старшыні і прызначэнне новага? — цытуе словы Лукашэнкі БЕЛТА. — Была дапушчаная, відаць, памылка пры прызначэнні ці страчаны кантроль за дзейнасцю самога старшыні".
Як паведамляла Еўрарадыё, 51-гадовы Валянцін Шаеў быў адпраўлены ў адстаўку ў пачатку лістапада 2015 года. Ва ўказе кіраўніка дзяржавы адзначаецца, што ён звольнены ў запас "па пагадненню бакоў".