Лукашэнка прыгразіў ураду турмой: я пакуль яшчэ па-добраму з вамі размаўляю
![Лукашэнка прыгразіў ураду турмой: я пакуль яшчэ па-добраму з вамі размаўляю](/sites/default/files/styles/gallery_main/public/2023-08/5-38_1.jpg.webp?itok=Iu5x8lGu)
Аляксандр Лукашэнка прыгразіў ураду турмой. 25 ліпеня падчас паездкі ў Веткаўскі раён яго абурылі лічбы падзежу жывёлы.
"Яшчэ раз паўтараю для ўрада і на будучыню: за падзеж жывёлы сядзеце ў турму, — цытуе словы Лукашэнкі БЕЛТА. — 85 тысяч, здаецца, па мінулым годзе. Вы ўяўляеце, колькі б гэта было мяса!".
Лукашэнка заявіў, што гэта недапушчальна. Паводле яго слоў, прычынамі падзежу жывёлы называюць ці дрэнныя кармы, ці яшчэ нешта. "Бязладнасць! Я пакуль яшчэ па-добраму з вамі размаўляю", — эмацыйна сказаў кіраўнік дзяржавы. Ён даручыў Генеральнай пракуратуры працягваць ушчыльную займацца згаданай праблемай.
![Лукашэнка прыгразіў ураду турмой: я пакуль яшчэ па-добраму з вамі размаўляю](/sites/default/files/paragraphs/image/0000191564041448356119big.jpg)
БЕЛТА