Лукашэнка прыдумаў, як павысіць ураджайнасць: патрэбная дыктатура
![Лукашэнка прыдумаў, як павысіць ураджайнасць: патрэбная дыктатура](/sites/default/files/styles/gallery_main/public/2023-08/luka-1608.jpg.webp?itok=Be5Bgdpj)
Сельскай гаспадарцы патрээбная дыктатура. Пра гэта Аляксандр Лукашэнка заявіў падчас паездкі ў Смалявіцкі раён 16 жніўня.
Па яго словах, для высокага ўраджаю важна строга выконваць тэхналогіі, а месцамі так дагэтуль не робяць. Ён паставіў чыноўнікам у прыклад фермераў. Маўляў, фермеры ўвесь час у полі, выконваюць тэхналогіі і дбаюць пра сваё. "А ў нас кіраўнік правёў планёрку, і ўсе шчокі надзімаюць", — цытуе БЕЛТА словы Лукашэнкі.
Пасля гэтага ён чамусьці не прапанаваў пашыраць фермерства, а зрабіў абсалютна працілеглыя высновы: "Патрэбная дыктатура. А ў нас яна ёсць — давайце ўключаць яе. Давайце адміністрацыйны рэсурс ўключаць і прымушаць рабіць так, як трэба. Пара пачынаць па-сапраўднаму працаваць".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.