Лукашэнка анансаваў сур’ёзную праверку Міністэрства абароны
Аляксандр Лукашэнка анансаваў сур’ёзную праверку Міністэрства абароны Беларусі. Да канца года кіраўнік дзяржавы сустрэнецца з кіраўнікамі ўсіх сілавых структур. Пра гэта ён заявіў 18 снежня, калі прымаў з дакладам старшыню Следчага камітэта Івана Наскевіча.
“Я планую паслухаць справаздачы ўсіх сілавых структур, — цытуе словы Лукашэнкі яго прэс-служба. — Некаторыя сілавыя структуры мы вельмі сур’ёзна будзем правяраць па выніках гэтага года, у тым ліку Мінабароны”.
Падчас сустрэчы з Наскевічам кіраўнік дзяржавы цікавіўся сітуацыяй у Следчым камітэце пасля аптымізацыі, а таксама расследаваннем шэрагу рэзанансных крымінальных спраў.
Як вядома, сёлета беларускае войска трапіла пад пільную ўвагу грамадства, праваахоўнікаў пасля гібелі салдата Аляксандра Коржыча.
